Поранешната српска тенисерка Ана Ивановиќ моментално престојува во Белград, каде синоќа со сопругот Бастијан Швајнштајгер лудо се забавувале кршејќи чинии во ресторан.
Имено, Ана и нејзиниот сопруг моментално се на одмор со децата во Белград, а ја користат секоја прилика да уживаат во српската престолнина.
Очигледно и двајцата се согласуваат дека Белград е центарот на најдобрата забава, па синоќа ги почувствувале нејзините привлечности.
Како што пренесуваа српски „Телеграф“, Ана и Бастијан уживаа во ресторан во Белград на грчка вечер, а од видеото кое беше споделено на Инстаграм, може да се забележи како Ана во еден момент го следела грчкиот обичај и почнала да ги крши чиниите.
Со нив биле братот на Ана, Милош Ивановиќ и неговата сопруга Драгана Џајиќ, кои заедно лудувале до зори.
Инаку, познатата српска тенисерка ужива во хармоничен брак со фудбалерот Бастијан Швајнштајгер, со кој во мај годинава го доби третото дете.
