Пандемијата од коронавирусот никого не штеди. Помеѓу илјадниците заразени има и многу светски ѕвезди. За среќа, популарната актерка Ема Стоун не спаѓа меѓу заболените од вирусот. Но ковид -19 и ги промени големите планови, како на многу, така и нејзе. Оскаровката е принудена венчавката да ја откаже и да ја одложи за кога ќе се стабилизира ситуацијата.
На популарниот пар, продуцентот Дејви Макариј и актерката Ема Стоун, лекарите им препорачале да ја одложат свечената церемонија заради неможноста повеќе луѓе да присуствуваат во затворена просторија. Тоа е единствен начин да се спречи ширењето на болеста.
Очекуваме нов датум за венчавка на овој пар.
Како за потсетување, Ема и Дејв се запознале во декември 2016 година на снимањето на емисијата „Сабота навечер во живо“, во продукција на Макариј. После состанокот, тие не сакале да ја потврдат врската, а во јануари 2019 година за првпат се појавија заедно на јавна свеченост.
