Душко Тошиќ целосно го промени животот по разводот со пејачката Јелена Карлеуша. На поранешниот спортист му цветаат рози и на приватен и на деловен план. Како што дознава српски „Курир“, фудбалскиот менаџер има нова девојка која засега добро ја крие од јавноста. Од друга страна, тој има намера да го прошири угостителството и на странскиот пазар.
– Душко зад себе остави едно поглавје од животот. Таа е многу успешна жена, а можам да ви кажам дека е и многу убава и привлечна. Тие се вљубени еден во друг како тинејџери. Тие се на иста возраст, а се запознале преку заеднички пријатели на приватна забава. Се среќаваат во ресторанот на неговиот најдобар пријател во Сењак бидејќи таму имаат максимална приватност. Душко отсекогаш важел за голем заводник, џентлмен, а оваа дама целосно го променила и сака да се смири покрај неа. Засега не сака да ја презентира во јавноста – вели соговорник, кој добро го познава животот на поранешниот репрезентативец.
– Зад Тошиќ е турбулентен период. Верувај ми, тој многу се промени. Ништо не го интересира освен ќерките на кои е максимално посветен, работата и избраничката со која ужива. Заедно патуваат, одлично се сложуваат и можам да ви кажам дека нашол мир. А во неговата работа како фудбалски менаџер работите се одвиваат како што планирал. Има тесен круг на луѓе кои ги гледа, а овој начин на живот одлично му одговара – вели соговорникот за „Курир“.
Тошиќ постигнал успеси и како спортист и како бизнисмен, а никогаш не заборавил од каде доаѓа, па слободното време го користи за да го посети семејниот дом во селото Орловат, кај Зрењанин, каде што живее неговата мајка, со која е многу приврзан.
Познатиот фудбалер порасна во скромни услови, но никогаш не ја заборави љубовта и поддршката што ја добиваше од семејството.
