Музичката дива Драгана Мирковиќ ја коментираше неодамнешната изјава на нејзиниот колега Љуба Аличиќ за Лепа Брена и Александра Пријовиќ и го кажа својот став за неговото мислење.
Имено, Аличиќ изјави дека младата музичка ѕвезда Александра Пријовиќ (снаата на Брена) со својата успешна турнеја и преполни концерти ги испратила во пензија сите пејачки.
Црногорскиот новинар Божо овојпат ја праша Драгана за мислење за изјавата на Љуба, а таа рече:
– О, добро, веројатно е шега. Љуба секако не беше сериозен, ако беше, не знам што му се случи – изјави Драгана во емисијата на Божо.
Драгана потоа ѝ честиташе на Александра, но истакна „никој да не ги допира легендите“.
– Секоја чест за Александра, таа е навистина млада, успешна девојка и навистина направи хаос оваа година, точно е, не знам кога ја започна својата турнеја оваа или минатата година. Секоја чест, за почит е, но луѓе, знаете што велат: „Чола е Чола, Брена е Брена, ве молам не ги допирајте легендите …“ – рече таа и додаде:
– Ми се допаѓа вака, веќе се навикнав на тоа. Важно ми е да уживам со мојата публика, а дали сега припаѓам на легендите…
Да потсетиме, Брена ја коментираше и изјавата на Љуба за Пријовиќ и другите колеги.
-Таа е млада ѕвезда, но има неколку од нас кои сѐ уште предаваат – рече Брена, која слатко се насмевна и додаде дека уште не е пред пензија.
– Ако Мик Џегер може да пее на 82 години, зошто не би пеела и Лепа Брена? – изјави регионалната ѕвезда.
