Американската пејачка Деми Ловато, гостувајќи во подкастот на Ешли Грејем „Pretty big deal“, рече дека пореметувањето во исхраната е една од причините која влијаела на нејзиното предозирање во јули, 2018 година.
– Уморна сум од строго вежбање и екстремни диети. Последните неколку години мислев дека го решавам проблемот со пореметувањето во исхрана, но всушност тонев се подлабоко. Симптомите не беа очигледни како порано, но очигледно е дека се работеше за пореметување во исхраната. Кога имате околу себе одредени луѓе кои ви зборуваат како треба да изгледате, тоа дополнително ги отежнува работите – вели Деми.
Деми се предозираше во јули 2018 година и итно беше префрлена во болница, каде се задржа краток период пред да замине на рехабилитација.
– Искрено сметам дека токму тоа доведе до се она што се случи во изминатата година. Во моментот кога помислив дека сум излечена, а всушност не бев. Живеев со таа лага и се обидував да го убедам светот дека сум среќна кога всушност не бев – додава Ловато.
Пејачката, во гостувањето кај Ешли Грејем, најави и дека ќе издаде нов албум.
– Наскоро ќе издадам нов албум, а потоа ќе му се посветам на менталното здравје – порача Деми.
