Српскиот пејач Аца Лукас се огласи по наводите дека е хоспитализиран.
Откако српските медиуми објавија дека фолк пејачот Аца Лукас е итно примен во Ургентниот центар поради сериозни „проблеми со ‘рбетот“, пејачот се огласи и ги негираше тврдењата што ја преплавија јавноста, објавува Хајп.
Имено, како што објавија медиумите, Лукас дошол во болницата поради болки во ‘рбетот.
Меѓутоа, во видеото, пејачот остро негираше дека е во болница и објасни дека дошол во итната помош со друга личност на која ѝ била потребна помош.
„Злобни, уште еднаш злобни… Не мора човек да помине покрај болницата за да биде болен и во болница. Еве ме мене во болница со моите пријатели и докторот. Донесов пријател на преглед. Би сакале да бидам во болница и да сум болен и да сум во болница, но нема да умрам пред вас! Марш“, порачал Лукас во својот препознатлив стил.
