Сопругата на контроверзниот рапер Канје Вест, Бјанка Ценсори, повторно го привлече вниманието на јавноста со провокативен изглед, но овој пат во малку „поскромно“ издание за нејзините стандарди.
Имено, таа објави серија полароидни фотографии на Инстаграм на кои позира во проѕирен фустан од неглиже со бела долна облека под него, додека позира во празна соба со поглед на градот низ завесите.
Фотографиите, за кои се верува дека се направени од самиот Вест, се дополнително зачинети со фризурата на Бјанка од 80-тите – разбушавена русокоса со обемни шишки, што на целата фотосесија ѝ дава ретро изглед. Иако изгледа како уште една во низата бизарни модни приказни од нивниот секојдневен живот, позадината на оваа објава носи многу посериозен контекст.
View this post on Instagram
Имено, само три дена пред објавувањето на фотографиите, јавноста дозна дека на Канје Вест му е откажана визата за Австралија. Министерот за внатрешни работи Тони Бурк потврди дека на раперот повеќе не му е дозволено да влезе во земјата поради објавувањето на песната „Heil Hitler“, во која го фали нацистичкиот лидер и отворено промовира антисемитизам.
„Тој доаѓа во Австралија со години, има семејство тука. Но, откако објави песна во која го фали Хитлер, повеќе нема важечка виза“, изјави Бурк за австралиската телевизија „Еј-би-си“.
