– За време на претстојниот викенд, времето во Македонија ќе биде претежно сончево, во текот на утрешниот ден и тоа особено во претпладневните часови со појава на умерена облачност. Исто така утре ќе дува слаб до умерен, а долж Повардарието повремено засилен ветер од северен правец. Наутро ќе биде релативно студено, и минималните температури понекаде ќе се спуштат до околу -2 степени, додека максималните дневни температури на воздухот ќе се искачуваат во интервалот од 10 до 18 степени, вели нашиот метео прогнозер Славчо Попоски.
И во Скопскиот регион овој викенд ќе имаме претежно сончево време, утре со појава на умерена облачност и тоа особено претпладне. Ќе дува умерен, повремено засилен ветер од северен правец, особено во текот на утрешниот ден. Максималните температури ќе се искачуваат во интервалот помеѓу 13 и14 степени.
Според Попоски, ново зголемување на облачноста кое ќе услови врнежи од дожд на повеќе места се очекува во почетокот од следната недела.
