– Денес времето во Македонија ќе биде променливо облачно со сончеви периоди кои ќе бидат почести во попладневните часови. Ќе дува слаб до умерен ветер од променлив правец. Температурите ќе се искачуваат во интервалот од 7 до 14 степени, вели нашиот метео прогнозер Славчо Попоски.
Во Скопје и околината времето ќе биде променливо облачно со сончеви периоди, подолги во попладневните часови. Ќе дува слаб ветер од променлив правец, додека максималната температура ќе се искачи до околу 10 степени. Потоа од утре попладне и навечер од запад ќе започнат врнежи од дожд, додека на високите планини врнежите ќе бидат од снег.
Според Попоски, во понеделник и во вторник пак врнежите ќе се прошират и во останатите предели и локално ќе бидат ПОИНТЕНЗИВНИ ( над 25 л/м2), додека на планините врнежите ќе бидат од снег и таму ќе се формира нова снежна покривка.
– Во вторник поради заладувањето, врнежи од снег и формирање на снежна покривка ќе има и на повисоките места, додека услови за провејување на снег ќе има и на некои пониски места. Сето ова ќе биде проследено и со засилен ветер од северен и од северозападен правец, кој ќе биде најизразен Долж Повардарието. Температурите ќе се искачуваат во интервалот од 7 до 15 степени, додека во вторник истите ќе бележат тенденција на ЗНАЧИТЕЛЕН ПАД и истите ќе се искачуваат во интервалот од 0 до 10 степени во најтолчите предели, заклучува метео прогнозерот.
