Шефот на социјалната мрежа „Instagram“, Адам Мосери во вторникот вети дека следната година ќе се „преиспита што е „Instagram“.
Во видеото објавено на „Twitter“, Мосери рече дека „Instagram“ ќе се фокусира на поголема транспарентност, но и на подобрување на начинот на кој создавачите на содржина на платформата можат да заработат пари.
„Размислуваме за тоа кои сме, што цениме и на каква промена сакаме да влијаеме во светот“, изјави Мосери.
„Instagram“ и оваа година не остана имун на зголемениот притисок на американските регулатори. Во септември, „The Wall Street Journal“ повикувајќи се на интерна анкета на „Instagram“ објави дека компанијата била свесна за штетата што „Instagram“ им ја нанесува на тинејџерите, особено на менталното здравје на тинејџерките.
2022 Priorities 📝
This next year is going to be pivotal for Instagram. In addition to our industry-leading safety and wellbeing efforts, we’re focused on these four key priorities.
Hope you’re all able to get some rest over the holidays. See you in the New Year! ✌🏼 pic.twitter.com/iY8uQ1EnMZ
— Adam Mosseri (@mosseri) December 28, 2021
Тој извештај по кој следена мноштво други, предизвикаа повеќе конгресни сослушувања насочени кон „Instagram“ и други социјални апликации, вклучително и сослушување на кое Мосери беше повикан да сведочи.
Од компанијата соопштија дека погрешно била карактеризирана целта и наодите од истражувањето, нарекувајќи го неточно тврдењето дека „Instagram“ е „токсичен“.
Покрај тоа, Мосери кажа дека целите за 2022 година вклучуваат консолидација на сите напори на „Instagram“ за развој на „Reels“, производ кој треба да биде конкурент на „TikTok“.
Мосери исто така нагласи дека апликацијата ќе работи на подобрување на начините на кои креаторите на платформата можат да заработат пари за нивната содржина.
Сè уште не е јасно што ќе донесат овие промени, но се чини сигурно дека следната година ќе видиме нов, поинаков „Instagram“.
