Фудбалерот на Шефилд вендзеј, Мозес Одубајо се соочува со обвиненија дека го прославил голот на противничкиот тим, Нотингем форест.
Неговиот тим е поразен на гостувањето со 2:0, а спорниот момент за навивачите на Шефилд вендзеј се случи по вториот гол на Нотингем во 87. минута. Според навивачите на Шефилд, Одубајо бил среќен по голот на противникот бидејќи на снимката се гледа како оди насмеан кон стрелецот Гребен и потоа му честита.
– Поразот е фрустрирачки за мене и за екипата. Никогаш не би му честитал на друг играч за постигнат гол против мојот тим. Му реков на Грабан дека нема шанси тоа да биде гол поради прекршокот и се насмеав мислејќи дека голот нема да биде признаен. Ние сме на дното на табелата, никој во клубот не сака да испаднеме и нема шанси да прославувам гол кој сè уште не држи на дното. Снимките може да дадат погрешна слика и се надевам дека се разбрав со навивачите кои се сомневаа во мојата лојалност кон тимот – се обиде да објасни Одубајо.
