– Како што веќе најавивме, за време на овој викенд времето ќе биде променливо облачно и студено со сончеви периоди. Ќе има услови и за локално провејување на снег, и тоа особено во текот на утрешниот ден. Ќе дува умерен до засилен ветер од северен правец, додека минималните температури ќе се спуштаат во интервалот од -6 до 3 степени, додека максималните ќе се искачуваат во интервалот од 0 до 8 степени – вели нашиот метео прогнозер Славчо Попоски.
И во Скопскиот регион за време на овој викенд времето ќе биде променливо облачно со сончеви периоди и со умерен до засилен ветер од северен правец.
Според Попоски, во текот на утрешниот ден ќе има услови за сосема слабо и локално проврнување на дожд и на снег. Максималната температура за време на викендот во Скопје ќе се искачува до околу 5 степени. Во првите денови од следната недела ќе имаме повеќе сонце и постабилно време.
