Тапанарот на Ролинг Стоунс, Чарли Вотс, почина на 80 -годишна возраст. Музичарот, кој наполни 80 години во јуни, беше член на рок групата од 1963 година.
Бернард Доерти, службеник за односи со јавност во Лондон рече:
„Со огромна тага ја објавуваме смртта на нашиот сакан Чарли Вотс. Тој денеска почина мирно во лондонската болница, опкружен со љубов од неговото семејство. Чарли беше драг сопруг, татко и дедо, а исто така, како член на Ролинг Стоунс, еден од најголемите тапанари на неговата генерација. Љубезно бараме да се почитува приватноста на неговото семејство, членовите на бендот и блиските пријатели во овие тешки мигови“.
Претходно овој месец беше објавено дека Вотс ќе ја прескокне следната турнеја на бендот во САД. Портпаролот рече дека „најверојатно нема да биде достапен за продолжување на турнејатана No Filter Tour на Ролинг Стоунс оваа есен“, откако мораше да се подложи на операција чии детали не беа откриени.
