Ви претставуваме еден од најдобрите оброци кои можете да ги подготвите за појадок…
Не станува збор за обично смути, туку за рецепт кој е прилагоден за прв оброк во денот, кој ќе ве држи сити до ручекот, а патем ќе ги задоволи и вашите рецептори за вкус, дури и доколку спаѓате во групата на „пребирливите“.
Состојките се многу здрави, а нивната комбинација ви дава оброк полн влакна, антиоксиданси и енергија, па затоа луѓето во светот масовно започнаа да пијат смути наместо појадок.
Потребно ви е: 2 лажици овесни снегулки, 1 црвено јаболко (излупено и исецкано на коцки), 1 банана, четвртина лажичка цимет, четвртина лажичка мелено морско оревче, 150 мл млеко.
Подготовка:Снегулките и овошјето ставете ги во блендер и мешајте додека не се иситнат. Потоа додадете гизачините и млекото, па повторно мешајте додека да добиете хомогена смеса. По желба можете да додадете и коцка мраз.Испијте го прекрасното смути и уживајте во феноменалниот вкус!
