19.9 C
Скопје
17:38 - 18 мај, 2022

НОВАК ЃОКОВИЌ ГИ ОПИШУВА 8-те ЧАСА ПОМИНАТИ НА АЕРОДРОМОТ ВО МЕЛБУРН И ИСПРАШУВАЊЕТО: Бев збунет и вознемирен, ми давате 20 минути да добијам дополнителни информации? Во 4 сабајле?

Новак Ѓоковиќ ги полни насловната страница и ударните вести во светските медиуми, српскиот тенисер ја доби жалбата, судијата му кажа дека е во право и благодарение на таа реченица знаел дека има можност да игра на Австралија опен, а пред се слободно да се движи во Австралија. Случувањата брзо се променија и сега АТП број 1 чека да дозназе дали за него ќе пристигне дополнителна мерка од австралиската влада,  која би можела сепак, да го избрка. Но, во меѓувреме беше обелоденето сослушувањето на кое беше подложен Ѓоковиќ кога бил запрен при пристигнувањето во Мелбурн. Сослушувањето се одржало на аеродромот.

 

View this post on Instagram

 

A post shared by Novak Djokovic (@djokernole)

The Age го објави разговорот меѓу тенисерот и лицето кое го испрашало, односно цариникот. Првото прашање на кое одговара е она за причината за неговата посета на Австралија: „Јас сум професионален тенисер и главната причина поради која доаѓам во Австралија е да учествувам на Австралија опен во Мелбурн, Викторија“. Ѓоковиќ веднаш признава дека не е вакциниран против Ковид: „Дали си вакциниран против Ковид-19?“, Одговорот бил: „Не сум вакциниран“.

Следувало прашањето дали имал било-каква позитивност на ковид-19 во минатото, играчот потврдил дека двапати бил позитивен на тестот, првиот во јуни 2020 година, вториот минатиот декември:

„Да, двапати имав Ковид, во јуни 2020 година и неодамна имам позитивен резултат – ПЦР – на 16 декември 2021 година. Имам и документи за потврда, ако сакате можам да ви ги дадам“. Благодарение на таа втора инфицираност со Ковид-19, тој добил медицинско ослободување.

Потоа се преминало на техничките работи, цариникот го прашал Ѓоковиќ дали имал директна врска со сојузната влада или со Тенис Австралија:

„Документите ги дадов, ги немам со мене, но можам да ги најдам електронски, ние испративме и-меил до независната медицинска комисија која е избрана од австралиската федерална влада да ги разгледа барањата за медицинско изземање“, одговорил Ноле и објаснил кои податоци кому ги предале и додал: „Бидејќи јас учествувам на Австралија опен со кој раководи Тенис Австралија, мојата комуникација беше упатена до нив затоа што таква беше процедурата со која бев запознаен, ме известија дека така треба. И им ги дадов сите мои PCR тестови, позитивни и негативни, анализата за моите антитела и некои дополнителни информации, а потоа тие ги испратија до независниот медицински панел и до владата на државата Викторија.

Тонот на гласовите, сепак, набргу потоа се зголемув, кога оние кои му ги поставуваат прашањата и имаат моќ да одлучуваат, го информираат Ѓоковиќ дека визата ќе му биде укината. Играчот бил бесен: „Не разбирам, ми ја откажуваш визата?“. Мислам, навистина не можам да сфатам што друго сакате да ви дадам. Ги дадов сите документи што Тенис Австралија и владата на државата Викторија ги побараа да ги направам во последните три или четири недели, тоа е она што го направив. Значи, дали легитимно ми давате 20 минути да се обидам да ви дадам дополнителни информации што тука ги немам? Во 4 сабајле? Мислам, ме ставивте во многу непријатна ситуација, во 4 часот наутро не можам да му се јавам на директорот на Тенис Австралија, не можам да слушнам никого од владата на државата Викторија, јас сум во непријатна ситуација. Сè што ми беше побарано да направам е тука“.

Граничниот претставник му дал јасно до знаење на Ѓоковиќ дека нема да добие виза и во тој момент 20-кратниот победник на Грен слем е навистина бесен:

„Не би седел овде пред тебе ако не ги почитувам сите правила и прописи утврдени од твојата влада. Мислам, малку ми е шокантно што ме предупредуваш дека ќе ми ја откажеш мојата виза врз основа на што? Ми даваш 20 минути да направам што? Веднаш ти кажувам дека немам што друго да ти кажам. Ако можеш, ајде да почекаме до осум часот наутро и потоа да се јавам на Тенис Австралија и потоа да се обидеме да ја сфатиме работава. Но, токму сега? Мислам, само што стигнав во 1 часот по полноќ, не знам што друго можам да направам во моментов. Тоа едноставно нема никаква смисла. Мислам, направив се што е можно. Во моментов можам да се јавам на мојот агент. Ми рече да не користам телефон, затоа не комуницирам со никого, никој не знае што се случува“.

Ѓоковиќ тогаш бил информиран дека не може да го прави што сака и дека ќе заврши во хотелот Парк, каде што живеат мигранти и баратели на азил, за кој многу се жалел и од каде што се огласил. Додека чекал да биде префрлен, тој напишал „сведоштво“, изјава во која го опишал своето патување до Австралија, летот што полетал од Шпанија со трансфер во Дубаи, и објаснил сè, зборувал за потребните документи што ги имал со себе и го раскажал дијалогот со цариникот:

„Сето тоа траеше само неколку минути, службеникот ме придружуваше во една мала соба со маса, две столчиња и видео камера, ми рекоа дека разговорот ќе се снима. Ме замолија и да го исклучам мобилниот телефон и да го ставам во чантата. Потоа ми дозволија да влезам во ходникот за да се одморам на софата. Многу часа подоцна ми беше врачен документ со кој се објавува намерата за откажување на мојата виза. Не го потпишав затоа што бев збунет, вознемирен и збунет. Беше 4 часот наутро и ми требаше помош, побарав да разговарам со моите адвокати, но ми рекоа дека тоа не е можно “.

 

View this post on Instagram

 

A post shared by Novak Djokovic (@djokernole)

 

Слични објави

Љубовта ќе им цвета во јуни: Ова се највљубените и најсаканите хороскопски знаци на почетокот на летото

Еспресо

Три најчести фитнес грешки поради кои се откажуваме од тренинг и слабеење

Еспресо

Што да промените во исхраната за да се ослободите од акните и мозолчињата?

Еспресо

(ВИДЕО) Докажано: Амбер сепак имала врска со Џејмс Франко додека била во брак со Џони Деп

Еспресо

(ФОТО) Модна дизајнерка почнала да го тетовира синот уште кога имал шест месеци

Еспресо

(ФОТО)„Збогум Пиже“: Пере од „Нокаут“ со емотивна објава се збогуваше со својот пријател

М.Р.
Се вчитува....