Пејачката Никол Шерзингер се појави во јавност на Модните награди во Лондон, ни помалку ни повеќе, туку со поранешното момче Луис Хамилтон, возачот на Формула 1. Откако прекинаа во 2015 година, тие двајца не се видени заедно.
Меѓутоа, изгледа дека на црвениот тепих позираат исклучиво како пријатели. Никол (41) и Луис (34) привлекоа огромно внимание од страна на присутните со својата појава, но и со стајлингот.
Никол се појави во црн деколтиран и провокативен фустан, а „ја прошета“ и новата боб-фризура, која перфектно ѝ стои. Од друга страна пак, Луис се појави во сако кое исто така предизвика големо внимание.
Никол и Луиз беа во врска од 2008 година, а неколку пати раскинуваа. Се шират гласини дека никогаш не успеал да ја преболи убавата пејачка, што го потврди и неговата девојка за странските медиуми.
„Ми рече дека раскинале бидејќи тој не сакал да се венчаат. Не бил спремен. Мислам дека таа била убедена дека тој ќе ја запроси, а тоа не се случило и полудела“, изјавила поранешната девојка на Хамилтон, манекенката Вероника.
