Словенецот Борис Видовиќ, кој минатото лето учествуваше во светски популарното ријалити шоу „Љубовен остров“ (Love Island), деновиве е во фокусот на јавноста поради шпекулации дека токму тој е мистериозниот маж од експлицитната гласовна порака на Дара Бубамара.
Видовиќ се истакна во шоуто со својот специфичен акцент и отворен флерт со учесничките, а во еден момент имаше и најмногу гласови од публиката. Сепак, по раскинување со една од девојките, неговиот рејтинг опаднал и тој испаднал непосредно пред финалето.
Во изјава за медиумите, тој откри како функционира продукцијата зад камерите, нагласувајќи дека најголемиот дел од тоа што се гледа на телевизија е автентичен.
„Сè е реално, отприлика како што изгледа на ТВ. Нема големи тајни, само постојат моменти меѓу снимањата што не се прикажуваат – како дружење, разговори или чекање. Но суштината е иста“, изјави Видовиќ.
Тој додаде дека во моментов не е во врска со ниедна учесничка од шоуто и дека не размислува за учество во регионални ријалити формати, иако не ја исклучува таа можност во иднина.
Во меѓувреме, на социјалните мрежи се појавија бројни шпекулации дека токму тој е мажот за кого зборува Дара во гласовната порака што со денови ја бранува јавноста. Иако тоа не е официјално потврдено, Видовиќ дополнително ги подгреа сомнежите со своја објава.
Тој објави видео со песната „Опасан“ од Дара Бубамара, при што кратко напиша: „Кажуваат сè и сешто“, што многумина го протолкуваа како индиректна реакција на актуелните гласини.
Инаку, Видовиќ најави дека наскоро се враќа во Дубаи, каде ќе ја продолжи својата манекенска кариера и ќе работи на нови проекти.
