Роберт Патинсон (33) се прослави со улогата на вампирот Едвард Кален во филмскиот серијал „Самрак сага“, а за две години ќе го гледаме во римејкот на Мет Ривз за „Бетмен“. Иако некогаш на секој чекор го следеа возбудени обожавателки, Патинсон сега е убеден дека таквата масовна „манија“ за неговиот лик и дело, повеќе никогаш нема да се повтори.
„За среќа таа хистерија настана наеднаш, но и брзо исчезна. Искрено, повеќе никогаш не сакам да ги видам луѓето кои пред мојата куќа ме чекаат во „заседа“. Не верувам дека нешто такво би се повторило, бидејќи сум стар и досаден“, рекол актерот во интервју за Sunday TODAY со Вили Гејст.
Тој се присетил и на аудицијата за „Самрак“ која ја опишал како многу непријатно искуство.
„Мислев дека нема да поминам. Морав да одглумам една сцена во која Едвард е со гитара. Ми рекоа на аудицијата: O, си донел гитара со себе, сакаш нешто да отсвириш? Воопшто не се подготвив за таа ситуација, па реков дека само ја донесов со себе. Не сакав да свирам. Тоа им беше многу чудно. После тоа се чувствував ужасно, дури и на родителите им реков дека беше вистински кошмар. Но, на крајот сепак ја добив улогата“, раскажал Патинсон.
Тој наскоро ќе стане Бетмен и така ќе биде вториот најмлад актер кој ќе работи на Бетмен, после Кристијан Бејл, кој на 31 година го глумеше Бетмен во филмот „Бетмен: Враќање“, а филмот ќе излезе во киносалите дури во јуни 2021 година.
Роберт неколку години беше во врска со колешката Кристен Стјуарт (29), а минатата година имаше гласини дека се смириле. Заедно дојдоа на забавата на нивната колешка Лили Роуз Деп (20), ќерката на Џони Деп (56), а неколкупати излегле надвор заедно на цигара.
Американската актерка Кристен во последните неколку интервјуа открила дека навистина го сакала актерот и колегата од сетот на филмската франшиза „Самрак“, пишува магазинот People. Иако не му беше верна, признава дека сакала да се омажи за него.
„Со години бевме заедно, Тој е мојата прва љубов: Не сакавме да се држиме за рака додека одевме по улица, бидејќи не сакавме да им дадеме материјал за фотографирање. Од друга страна, не можев да го фатам својот дечко за рака“, рекла Кристен која тврди дека освен нејзиното неверство, на нивното раскинување влијаеле и папараците.
„Да ме запросеше ќе се омажев за него. Иако не сум традиционална жена, за него мислев дека тој е вистинскиот“, додала Стјуарт.
