Холивудските актерки Џенифер Анистон (55) и Рис Витерспун (48) беа искритикувани поради фотографијата на која позираат заедно без шминка, пренесува Дејли меил.
На новата фотографија, актерките го најавија почетокот на снимањето на новата сезона на телевизиската серија „Утринско шоу“ (The Morning Show). Тие позираа пред камерите во фармерки и бели маици.
Џенифер Анистон и Рис Витерспун позираат со пуштени коси и се откажаа од шминката. Иако за 24 часа оваа фотографија на која актерките се во сосема природно издание, собра над милиони лајкови, на голем број фанови не им се допадна овој нивни изглед.
„Без шминка, ама затоа многу уредувани и филтрирани“, „Имаат многу длабоки брчки и големи пори“, „Изгледаат многу чудно. Штета е што жените во Холивуд не стареат со благодат“, „Изгледаат лошо“, гласат дел од коментарите.
Во интервју за Entertainment Tonight минатиот месец, Витерспун рече дека ќе има „многу романса“ во новата сезона на The Morning Show.
