Поранешниот дефанзивец на Барселона и Шпанија, Жерар Пике се отвори за тоа како се справува со омразата од фановите на неговата поранешна партнерка, Шакира.
36-годишниот Жерар Пике даде интервју за Жерар Ромеро, во кое проговори за омразата која го следи по раскинувањето со Шакира, и тоа токму од фановите на колумбиската пејачка.
„На почетокот беше многу лошо. Стигна до точка кога ако дозволам сета таа омраза да дојде до мене, ќе треба да се фрлам од карпа“, призна тој.
Поранешниот фудбалер појасни дека токму неговиот лежерен однос кон ситуацијата му помогнал да го одржи душевниот мир.
„Немате поим какви коментари добив на социјалните мрежи од нејзините фанови. Милиони варвари! Но, не ми е гајле. Да бидам искрен, нималку, бидејќи не ги познавам. Овие луѓе немаат животи, а зошто тогаш јас да се грижам? Никогаш нема да ги сретнам, тие се роботи, знаете?“, рече тој.
Жерар Пике додаде дека неговата ноншалантност е „здрава, бидејќи ако се грижиш за мислењето на луѓето, тогаш си мртов“.
„Тие сакаат да се грижите, а ако се грижите, тие ќе победат. Мора да им покажете дека не ви е грижа, бидејќи тоа уште повеќе ги лути“, рече тој.
Во јуни 2022 година, Жерар Пике се раздели со Шакира по 11 години романса, а пејачката ја остави за 23-годишната студентка Клара Чиа Марти, со која извесно време ја изневеруваше.
Вчера, Шакира ја напушти Барселона со своите деца за да „започне ново поглавје во потрага по среќа“.
