Саманта Маркл, полусестрата на Меган Маркл, изнесува нови детали за војводите од Сасекс. Во интервју за ГБ Њуз, Саманта тврди дека „неодамнешното однесување на Меган и Хари сугерира дека тие се на пат кон раздлба“.
И покрај тоа што немала никаков контакт со војвотката од 2014 година, Саманта тврди дека „видела знаци“ дека Меган „е скарана“ со Хари.
Samantha Markle speculates Meghan Markle, Prince Harry are headed for a split https://t.co/ROZ6UnDFNL pic.twitter.com/UqIUbshQ0R
— Page Six (@PageSix) May 4, 2023
Таа понатаму во интервјуто шпекулираше дека неодамнешното повторно појавување на Меган во очите на јавноста можеби е оркестрирано за да се усогласи со крунисувањето на кралот Чарлс III.
Саманта нагласи дека двојката треба да размисли како се однесуваат кон сите околу себе, не само за минатото, туку и за во иднина, доколку воопшто останат заедно и дека „потребна им е стручна психолошка помош доколку сакаат да си го сочуваат бракот“.
Во меѓувреме, оваа недела во Вестминстерската опатија ќе се одржува историскиот настан на крунисувањето на кралот Чарлс III. Најавено е дека принцот Хари на крунисувањето ќе присуствува сам, а дека Меган нема да може да присуствува на настанот поради четвртиот роденден на нејзиниот син Арчи, што се совпаѓа со датумот на крунисувањето.
