Првиот случај на мајмунска сипаница е забележан во Русија, болеста е откриена кај граѓанин кој се вратил од патување во Европа.
Од руското министерство за здравство велат дека болеста на пациентот е лесна, нема закана по животот: „Пациентот е изолиран и се наоѓа во медицинска организација“, вели прес сужбата и додава дека кругот на контакти на болниот за време на неговиот престој во Русија бил ограничен, тој живеел сам во стан.
„Сите лица за контакт се навремено идентификувани и се под лекарски надзор. Доколку се потврди дијагноза ќе им биде укажана сета неопходна медицинска помош. Поради навремената епидемиолошка истрага, можноста за натамошно ширење на инфекцијата е запрена. Ситуацијата е под строга контрола на Роспотребнадзор“, се вели во соопштението, а пренесува новинската агенција Тас.
