Попозната како извор на гордост на секоја словенечка домаќинка, „Потица“ е традиционална торта што обично се подготвува за свечености и прослави како Божиќ и Велигден. Колачот е изведен од постарите колачи со валано тесто, а првпат се споменува во 1575 година.
Првично, тортата била резервирана за високата класа, но со текот на годините се здобила со популарност кај селаните. Постојат околу 60 видови на потица, со различни, традиционални филови како што се ореви, лешници, тарагон, мед, семе од афион и урда.
Модерните верзии на потица вклучуваат дури и чоколадо како полнење. Овој десерт е многу важен дел од словенечката кујна, толку важен што двапати беше прикажан на словенечките поштенски марки.
ВО МАКЕДОНИЈА, КАКО ВО ЛУИЗИЈАНА: Пралини од орев со вкус на домашна карамела!
Потребни состојки
- 100 гр шеќер
- 1 лажичка сол
- 60 гр путер
- 220 гр топло млеко
- 2 пакувања активен сув квасец
- 55 гр топла вода
- 2 јајца
- 580 гр непросеано универзално брашно
View this post on Instagram
Полнење:
- 3 јајца
- 450 гр ореви, ситно сецкани
- 200 гр кафеав шеќер
- 76 гр путер, стопен
- 1 ½ лажичка цимет (изоставувам поради алергии)
- 1 лажичка паста или екстракт од ванила
View this post on Instagram
Метод:
1. За тестото: во врело млеко измешајте шеќер, сол и 60 гр путер. Оставете го да излади до млака температура. Посипете квасец над топла вода во голем сад. Промешајте да се раствори. Промешајте го во смесата со млако млеко. Додадете 2 јајца и 220 гр брашно. Матете со дрвена лажица додека не се изедначи. Постепено додадете го преостанатото брашно; месете со рака додека тестото не стане доволно цврсто. Ставете го тестото во малку подмачкан голем сад. Превртете го тестото – со подмачкана страна нагоре – и покријте го со крпа.Оставете да нарасне на топло место без провев, додека не се удвои во големина – околу еден час.
2. За филот: во средна чинија изматете ги малкубјајцата, додадете јаткасти плодови, кафеав шеќер, путер, цимет и ванила. Промешајте и оставете го на страна.
3. Кога тестото ќе нарасне, издупчете го. На малку набрашнета површина, истурете го тестото, покријте го со сад и оставете да отстои 10 минути. Расукајте го тестото во правоаголник. Премачкајте со фил, на 1 сантиметар од работ. Почнувајќи од широка страна – цврсто навиткувајте. Запечатете со штипкање на рабовите од тестото со прстите.
4. На голема подмачкана хартија за печење, формирајте ролна во форма на полжав. Оставете да нарасне на топло место, покријте го со крпа, еден час. Загрејте ја рерната на 180С. Намачкајте со 2 лажици растопен путер. Печете 35-40 минути додека не порумени.
ВО МАКЕДОНИЈА, КАКО ВО ФРАНЦИЈА: Класичната зачинета торта со мед која е лесна и брза за правење!
