Саксофонистот Горан Папаз, деновиве покажа дека неговата најважна и најубава музика не е онаа на сцената, туку онаа што ја „свири“ дома – со своето семејство.
На социјалните мрежи се појави емотивна фотографија која го прикажува музичарот во едно поинакво, опуштено светло. Папаз вешто менаџира со обврските на „супер-татко“, уживајќи во прошетката со своите четири наследници. На фотографијата се гледа како тој се грижи за најмалите, докажувајќи дека организацијата со четири деца може да изгледа лесно кога се прави со љубов.
Приказната на Горан како родител започна со синот Дамиан, кој наскоро ќе наполни девет години.
„Си бил еден најдобар татко и тоа на 4 деца…“ – стои во описот на објавата која ја сподели неговата сопруга Наташа, со што јавно му оддаде признание за неговата посветеност.
На крајот од 2025, Горан Папаз имаше посебен повод за славење. Имено, музичарот и неговата сопруга Наташа го одбележаа првиот роденден на тројката која ја добија на крајот од 2024 година.
Папаз често споделува слики и видео од авантурите со Лена, Луна, Лазар, и на секое од нив се гледа колку е посветен татко и ужива во времето поминато со најмилите.
