Ема Хеминг го даде своето прво телевизиско интервју откако беше објавена дијагнозата за деменција на нејзиниот сопруг Брус Вилис и таа призна дека е „тешко да се знае“ дали актерот е свесен за својата влошена здравствена состојба.
– Она што го учам е дека деменцијата е тешка. Тешко е за личноста со дијагноза, тешко е и за семејството. И тоа не е различно за Брус, за мене и за нашите девојки. Кога велат дека тоа е семејна болест, навистина е, вели Хеминг.
„Мислам дека тоа беше благослов и проклетство. Конечно да сфатам што се случува за да можам да го прифатам тоа што е. Тоа не го прави помалку болно, но самото прифаќање и самото сфаќање што се случува со Брус го прави малку полесно – објасни Ема.
На прашањето дали Вилис е свесен за тоа што му се случува, Ема отворено одговара:
– Тешко е да се знае.
