Пејачката Лепа Брена денеска со семејството го слави Архангеловдан.
Секоја година во домот на фолк дивата овој посебен ден се подготвува со големо внимание и задолжително се прават сармички.
Пејачката по серијата концерти се врати во Србија и ги засука ракавите. Познато е дека кујната е место каде што сака да престојува целото нејзино домаќинство, особено нејзиниот сопруг Боба Живојиновиќ, кој е голем гурман, известуваат српските медиуми.
Синот на Лепа Брена, Виктор Живојиновиќ објави видео од подготовките пред слава, а пејачката танцуваше со готвачот додека ја подготвуваше сармата.
Интересен податок е тоа што Брена, според тамошните медиуми, одамна преминала од ислам во православие и ги слави сите христијански празници, а Архангеловдан и е од особено значење.
