Во песните на една од најголемите балкански музички ѕвезди Здравко Чолиќ се споменуваат имиња на бројни жени – Јасмина, Есма, Рушка… Песните не се создадени затоа што одредена жена била инспирација, освен една. Само една песна е посветена на вистинска жена, а Чолиќ во една прилика открил и за која се работи.
„Ниту една песна не е за вистинска жена, освен за Кристина. Корнелије Ковач ѝ ја посвети таа песна на својата ќерка“, рекол Чола во едно интервју.
Песната е објавена далечната 1977 година на вториот албум на Здравко насловен „Ако пријдеш поблиску“ (Ako priđeš bliže). Песната и ден-денеска е многу популарна.
