Актерот Милош Биковиќ неодамна стана татко. Со сопругата Ивана Малиќ и наследникот Василије, актерот се пресели во самиот центар на градот, а екипата на српски „Ало“ ја посетија луксузната локација каде семејството го изгради своето гнездо.
На самиот влез во гаражата новинарите ја снимија бесната „машина“ на Милош, претпоставувајќи дека актерот, иако моментално е во центарот на скандал поради откажувањето на ангажманот во популарната серија „Белиот лотос“, поголемиот дел од неговото време го минува во топлиот дом со своето семејство.
Инаку, комплексот згради каде што живеат се уште е во изградба. Направен е по најнови светски стандарди, а на секој агол се гледаат камери, обезбедување и чувари.
Од станот на познат актер се протега прекрасен поглед на Дунав, а видливи се и бројни продавници на ексклузивни брендови. Луксузниот имот има балкон, а на покривот има огромна заедничка тераса.
Она што новинарите на српски „Ало“ го забележале е дека повеќето соседи на семејството Биковиќ се странци, но и семејства со мали деца.
