После шест недели натпреварување, конечно е познат победникот на Мелодифестивален. Лорин повторно ќе ја претставува Шведска на Евровизија.
Таа победи со песната Тетоважа и ќе се обиде по втор пат да победи на Евровизија.
Од почетокот на натпреварот се претпоставуваше дека Лорин ќе победи, а Шведска е убедлив лидер во евровизиските обложувалници од сознанието дека Лорин се натпреварува на Мелодифестивален.
Евровизиските фанови, во најмала рака, полудеа по Лорин. Нејзината песна веќе некое време се наоѓа на топ листите во Велика Британија и Ирска, а Твитер со недели е преполн со објави за неа.
Лорин на пошироката јавност и е позната по песната Euphoria со која победи на Евровизија 2012 година во Баку. Покрај Euphoria, Лорин има и бројни други хитови како Walk with Me, Neon lights, Sober, In My Head и I’m in It with You.
