Поранешниот колега на Меган Маркл, актерот Патрик Џеј Адамс, со кој работеше во серијата Suits, објави нејзино видео од неговата лична архива.
Во видеото, кое било снимено во 2012 година, Меган Маркл е „уловена“ со нејзините колеги и екипата на серијата, вклучувајќи го и Рик Хофман, кој го играше Луис Лит, како и сопругата на Патрик, Тројан Белисарио. Војвотката од Сасекс танцуваше на реге музика.
„Оваа девојка се омажи за принц“, напиша Патрик Џеј Адамс во описот на видеото.
View this post on Instagram
И додека видеото во кое Меган танцува молскавично го обиколи светот, принцот Хари пристигна во Велика Британија сам.
Според АП, принцот Хари присуствувал на церемонијата на наградите WellChild, која се одржа во Велика Британија. Националната добротворна организација ги поддржува тешко болните деца и нивните семејства и исто така доделува годишни награди. Забележано е дека неговата сопруга Меган Маркл не била со него. Таа останала со децата во САД.
Настанот се случи во Лондон на 7 септември, ден пред годишнината од смртта на кралицата Елизабета Втора.
