Ким Кардашијан неодамна реши сериозно да се позанимава со глума. Пред снимањето на „Американска хорор приказна“ земала часови по глума, а сега планира да биде продуцент и да глуми во комедијата „The 5th Wheel“.
Ријалити ѕвездата Ким Кардашијан (43) минатата година ја доби улогата на публицистката Сиобан Корбин во хит серијата „Американска хорор приказна“. Во серијата таа глуми покрај Ема Робертс (33), која го толкува ликот на актерката Ана Викторија Алкот. Првиот дел од 12-та сезона, насловен ‘Delicate’, беше објавен во септември 2023 година, а сега е објавен и трејлерот за вториот дел од сезоната, кој изненади многу фанови на серијата.
Во една од сцените прикажани во трејлерот на сезоната, двете актерки страсно се бакнуваа. „Од што би се откажала за да имаш животот од соништата?“, прашува Кардашијан во сцената, по што Ема одговора: „Сè“. Потоа Ким се наведна кон неа и ја бакнува, што многу обожаватели не го очекуваа ваквиот момент.
Сцената ги изненади и воодушеви обожавателите кои го споделија своето мислење на социјалните мрежи. „Морници ме полазија“, „Ема и Ким имаат одлична хемија“, „Ова ќе биде толку добро“, гласат само дел од коментарите.
