Лозано направи нешто специјално во чест и за спомен на познатиот музичар Драган Каранфиловски-Бојс кој почина од канцер на 28 мај во 2015 година.
Бојс, татко на Верица Каранфиловска, некогашната членка на женската група „ХХЛ“ која ја претставуваше Македонија на Евровизија напиша и испеа мнгу хитови, а еден од оние кои ги напиша е „На минус 23“, која ја испеа Трајче Манев.
„На минус 23″ прекрасна балада, во која оригинална изведба е на нашиот незаменлив Трајче Манев.
Со мојата екипа ви подготвивме новогодишен музички мини специјал. Ова е само мал дел од она што ќе го видите утревечер на 31-ви декември во 18 часот на телевизија Телма! Уживајте!
А најважното – се гледаме на 7 март во арената „Борис Трајковски“, напиша Лозано на Фејсбук.
„Валерија“, „Опасно сум вљубен во тебе“, „Ајде лулај ме нежно“, „Бели нарциси“ се само неколку бесмртни хитови од над 400 песни, од кои дури 250 се заштитени на големата музичка ѕвезда од Битола Драган Каранфиловски-Бојс, објави во една прилика „Сакам да кажам“.
Токму на неговиот живот и творештво беше посветено 10. издание на музичката манифестација„Незаборав“, чиј автор и продуцент е битолчанецот Панде Димитровски во 2020 година. Преку овој настан една деценија се негуваат спомените за музичките легенди на Битола.
