Популарната пејачка Гога Секулиќ ја трогна публиката ширум регионот со својата нова песна посветена на нејзината мајка Нада, која ненадејно почина во февруари оваа година.
Баладата со наслов „Мајка“ е исполнета со тага, спомени и силни емоции, а веднаш по објавувањето предизвика лавина реакции на социјалните мрежи. Многумина истакнаа дека песната длабоко ги потресла, препознавајќи ја искрената болка во секој испеан стих.
Гога исклучително тешко ја поднесе загубата на својата мајка, со која беше многу блиска. По нејзината смрт, пејачката целосно се повлече од јавноста и ги откажа сите настапи, фокусирајќи се на семејството и приватноста. Извори блиски до неа откриваат дека музиката и била единствениот начин да се соочи со болката и да ги преточи своите чувства во траен спомен.
Кога почувствувала дека е подготвена, Гога ја снимила песната во соработка со Феѓа Имамовиќ, кој е автор на текстот, музиката и аранжманот.
Поддршка од естрадата
По објавата, поддршка на Гога и упатија и нејзините колешки Рада Манојловиќ, Сандра Африка и Сања Вучиќ, кои јавно ги споделија своите емоции по слушањето на баладата. Иако тагата по мајка и е сеуште свежа, Гога реши да им се врати на деловните обврски и најави дека наскоро повторно ќе започне со настапи низ регионот и дијаспората.
