Најмоќната ракета некогаш направена од човек беше лансирана во вселената, но експлодираше веднаш по лансирањето во Тексас.
Ракетата, попозната како Starship е изработена од компанијата SpaceX на американскиот претприемач Илон Маск.
Лансирањето на ракетата без екипаж првично требаше да биде во понеделник, но беше откажано во последен момент поради технички проблеми.
Набљудувачите, вклучително и Џонатан Амос од Би-Би-Си, изброиле најмалку шест од 33-те мотори кои не работеле.
Маск му честиташе на тимот на, како што напиша на Твитер, „возбудливото тест лансирање“ и најави нов обид за неколку месеци.
Маск предвидува дека луѓето и сателитите ќе летаат во орбитата повеќе пати на ден на ист начин како што млазен авион може да лета преку Атлантикот.
Тој верува дека тоа би можело да воведе нова ера на меѓупланетарни патувања.
Ракетата, висока речиси 120 метри, е дизајнирана да има речиси двојно поголема сила од која било ракета досега.
Целта е да се испрати горната етапа на возилото на исток, за да се заврши речиси еден круг околу Земјата.
SpaceX launched the world’s most powerful rocket Thursday but fell short of its test flight goals when Starship exploded four minutes into the mission. pic.twitter.com/YQ4ffaWyFE
— Newsweek (@Newsweek) April 20, 2023
