Џенифер Лопез го објави првиот албум од 2014 година на Инстаграм и со тоа откри зошто не била „достапна“ за своите обожаватели.
Пејачката Џенифер Лопез на Инстаграм го објави првиот музички албум од 2014 година, наречен „This Is Me… Now“. Таа го постираше видеото на денот на 20-годишнината од објавувањето на нејзиниот трет албум „This Is Me … Then“.
View this post on Instagram
На новиот албум Лопез зборува за „емоционалното, духовното и психолошкото патување“ што го поминала во последните две децении. Албумот е означен како „емотивен, суров и искрен“ проект со песни за животот и искуствата на ѕвездата.
„Овој албум е филозофија, рефлексија, момент на желби. Надежта, вербата и вистинската љубов никогаш не умираат“, изјави Лопез за Deadline.
Издавањето на албумот „This Is Me … Now“ е закажано за 2023 година. Во објавата, уметницата објави и листа на нумери кои ќе бидат вклучени во албумот.
