Алек Болдвин беше обвинет за ненамерно убиство по инцидентот на снимањето на „Рѓа“ (Rust) каде актерот ја застрела кинематограферката Халина Хачинс која беше на снимањето на филмот.
Новинарите сакале да земат изјава од Болдвин, но наместо од него, ја добиле изјавата од Хиларија Болдвин, неговата сопруга, која акцентираше дека семејството бара новинарите да го остават нејзиниот сопруг на мир. Него и целото семејство.
Хиларија го напуштила својот дом со нивното новороденче и почнала да зборува за новинарите кои стоеле пред врата:
„Ќе кажам само еднаш. Ќе ви го кажам тоа што сакам да ви го кажам. Сакам дечки да сфатите дека имаме седум деца“.
It appears that Hilaria Baldwin’s fake Spanish accent has returned. pic.twitter.com/qsCZS2vxAZ
— The First (@TheFirstonTV) January 21, 2023
Таа потоа им рече на новинарите дека не знае што да им објасни на нивните деца „Значи, дозволете моите деца да се вратат дома, а вие држете се настрана од нив“, рече Хиларија. „Затоа што ме прашуваат „Мамо, што прават овие луѓе? И како мајка е многу тешко да се обидеш да објасниш. Затоа, ве молам, одете си дома“.
Новинарите сепак биле лути што не успеале да земат изјава од самиот Болдвин. Тој во меѓувреме излегол од друга врата и веднаш влегол во автомобил, па така новинарите останале без збор од холивудската легенда.
Потсетуваме, Андреа Риб, која е специјална обвинителка, рече дека „Доколку некој од овие тројца луѓе – Алек Болдвин, Хана Гутиерез-Рид или Дејвид Холс – ја завршеше својата работа, Халина Хачинс денес ќе беше жива“.
