Вељко Ражнатовиќ проговори за својот престој во Русија, каде што поминал седум месеци, откривајќи дека престојувал и спиел во подворјето на Српската православна црква. Синот на Цеца Ражнатовиќ истакна дека за време на престојот живеел кај отец Стефан, опкружен со свештени лица и верници.
„Живеев кај отец Стефан, во предворјето на Српската православна црква. Бев опкружен со мои луѓе. Во зима таму има екипа што работи, луѓе од црквата, ние бевме постојано таму. Доаѓаа и поклоници, ја посетуваа црквата. На литургиите црквата беше полна,“ изјави тој.
Вељко зборуваше и за тоа дали планира подолг престој во Москва.
„Во Русија можеби ќе се вратам на спаринзи, но нема да живеам таму,“ рече тој.
Особено нагласи дека најтешко му паднала разделбата од семејството, сопругата Богдана и децата, кои му биле голема поддршка во текот на целиот период.
„Децата се мали само еднаш. Успеав да дојдам на нивните родендени, фала му на Бога. Се случуваат разни работи, тие ти испраќаат снимки, сите ги доживуваат моментите со нив што ти требало да ги доживееш, а ти трчаш по некој сон за кој не знаеш дали ќе се оствари,“ изјави Ражнатовиќ.
Тој додаде дека најголема поддршка му била сопругата Богдана.
„Мојата сопруга ме поддржа. Таа има доверба во мене. Не е лесно да се остави сопругот да оди да живее во Москва седум месеци. Привилегија е да имаш таква жена,“ заклучи Вељко Ражнатовиќ во подкастот „Вистинска приказна“.
