Пејачката Драгана Мирковиќ неодамна јавно проговори за својот развод од Тони Бјелиќ, по што тој започна да ѝ одговара преку објави на социјалните мрежи, со низа контроверзни пораки и обвинувања. Размената на пораки доаѓа откако Драгана јавно зборуваше за тоа дека периодот на разводот бил еден од најтешките во нејзиниот живот.
Во една од своите објави, Тони сподели фотографија од луксузен хотел во Виена, на која е заедно со пријател. Објавата на Инстаграм ја придружил со песната „Животот не е една жена“ од Мирослав Илиќ.
Тој напишал:
„За мојот искрен и верен пријател 25 години. Не се предавај, друже.“
Драгана Мирковиќ во своето обраќање истакна дека не била свесна колку е силна како личност.
„Не знаев колку сум силна личност. Мислев дека сум нежна, но испаднав посилна отколку што мислев. Тоа го сфатив пред пет години. Сфатив дека сум посреќна сама со моите деца. Кога јас ќе одлучам да прекинам однос, луѓето мора да знаат дека постои многу сериозна причина, затоа што јас многу трпам, многу сакам луѓе и многу простувам. Но кога ќе одлучам да ставам крај, тогаш навистина е дојдено преку глава,“ изјави таа.
