Александарa Пријовиќ за враќањето на сцената: „Ќе биде прво разделување од мојата ќеркичка“
Александарa Пријовиќ вчеравечер присуствуваше на концертот на Саша Ковачевиќ во Белград, во друштво на својот шминкер, и само три месеци по породувањето, зборуваше за своето враќање на сцената.
За оваа пригода, пејачката носеше фармерки, црна кратка јакна и бела маица, а целата комбинација ја надополни со црна Шанел чанта.
„Среќна сум што имам можност да присуствувам на концертот на Сале. Го слушам многу долго. Му посакувам многу среќа вечерва. Ја знам секоја негова песна. Зошто да не ја отпеам со него и неговата дует-песна со Емина Јаховиќ?“ – изјави Александарa.
На прашањето како ја коментира драмата во Загреб околу продажбата на билети за нејзиниот новогодишен концерт, таа само се насмевна и рече:
„Немојте никакви драми, ве молам!“, без да се навлегува подлабоко во темата.
Пејачката ќе има својот прв настап по породувањето токму на дочекот на Новата година.
„Секогаш сум подготвена. Ми недостасуваше публиката и настапите. Годината помина брзо. На 31-ви и 1-ви ќе биде првото разделување од мојата ќеркичка Арија. Веднаш ќе се вратам. Александар е многу добар, се грижи за сестра му. Дури и додека бев бремена, јас бев во студио и постојано нешто подготвував“ – додаде Александарa пред медиумите.
