Каролина Гочева вчера наполни 46 години, а меѓу многуте честитки кои ги сподели на нејзиниот Инстаграм-профил се издвои една.
Станува збор за честитката од стилистот Александар Билјановски-Дадар кој освен што е нејзин соработник е и близок пријател на поп-ѕвездата.
„Среќен роденден на македонското девојче со магична насмевка што освојува без зборови….
Голем другар, искрена до коска, внимателна на секој детаљ – ретка комбинација што те прави толку посебна и обожавана од сите. Горд сум што сум дел од твојата приказна сите овие години – не само како твој шминкер, туку како некој што те знае вистински. Нашите моменти, слики и спомени се доказ за едно убаво патување што сѐ уште трае.
Ти посакувам уште повеќе светлина, љубов, успех и моменти што ќе ти го полнат срцето како што ти ги полниш нашите. Секогаш твој“, напиша Дадар до видеото со колаж од заеднички фотографии, а Каролина на ова емотивно му возврати:
„Ооох какви слики, какви спомени… Фала ти Дацо мој најсакан“.
