Пејачот Радиша Трајковиќ Ѓани беше итно опериран пред една недела во Военомедицинската академија (ВМА), каде што му беа вградени пет стентови. Веста за неговото нарушено здравје ја загрижи јавноста, но и неговите соседи од елитна населба во Белград, кои за српските медиуми зборуваа за навиките и начинот на живот на пејачот.
Продавачката од пазарот сместен на приземјето од луксузната зграда каде што живее Ѓани, истакнува дека сите го сакаат и го почитуваат затоа што е „крал и човек од народот“. Сепак, таа не ја крие загриженоста за неговото здравје.
„Треба да се грижи затоа што веќе е во некои сериозни години. Алкохолот и неуредниот живот, како и малкут спиење поради работата, веројатно оставија трага врз неговото здравје“, рекла продавачката, додавајќи дека многу ѝ е жал за сè и дека ќе ја поздрави сопругата на пејачот Слаѓа веднаш штом ја сретне.
Дека Ѓани е омилен во главниот градскиот кварт потврди и сосетка од соседната зграда, која има само пофални зборови за популарниот фолк-пејач.
„Често го среќавам Ѓани. Ретко вози сам, најчесто го возат неговите синови. Работи многу и треба малку да се смири. Таков е животот на тие пејачи, особено на оние што ги сака народот“, рекла таа, додавајќи дека пејачот е добар човек, секогаш насмеан и секогаш се јавува и ги поздравува сите.
Сосетка која често го гледа кога се враќа од пат има слично искуство, нагласувајќи дека секогаш е расположен и љубезен, и дека никогаш не поминал без да с поздрави.
Таа истакна дека сите биле тажни од веста за операцијата, но дека верува во неговото брзо закрепнување бидејќи е „голем борец“.
