Пејачката Тијана Дапчевиќ откри дека веќе не се дружи со колешката Јелена Карлеуша и дека таа, како што вели, повеќе не е личноста што некогаш многу ја сакала.
Во интервју за „Скандал!“, Дапчевиќ одговори на прашањето што мисли за Карлеуша и зошто нивниот однос е прекинат.
„Таа беше некој кој во еден момент го измисли шоу-бизнисот, некој што можеше да биде ‘ѓаволски добар’, но сега веќе не е,“ изјави Дапчевиќ.
На прашањето зошто, Дапчевиќ додаде: „Затоа што тоа повеќе не е Јелена што ја познавав. Од одамна не е. Имав прилика да се дружам со неа пред многу години и многу ја сакав“.
Пејачката призна дека почувствувала голема промена во нејзиното однесување: „Верувај, многу ја сакав, но мислам дека се случи ‘доктор Џекил и господин Хајд’. Немам емоција веќе, навистина немам емоција кон неа“.
Тијана додаде дека нема проблем еден ден да разговара со Карлеуша ако се сретнат, но смета дека повеќе не постои истата блискост: „Не ми е тешко да поразговарам со неа, но тоа не е тоа – едноставно немам емоција“.
