На долгогодишната врска помеѓу Тејлор Свифт и Џо Алвин ѝ дојде крајот. Според извор кој разговарал за Page Six, парот, кој бил заедно повеќе од шест години, раскинал пред неколку недели. Иако нема лоша енергија меѓу нив, изворот вели дека разделбата не била драматична, туку дошла сама од себе.
Свифт, која моментално е на нејзината турнеја „Eras Tour“, беше без Алвин. Актерот ниеднаш не се појави меѓу толпата гледачи. Пријател на двојката зборуваше за магазинот People во март и рече дека Алвин ќе патува со неа кога ќе може и дека „тие се одлично заедно“. Сепак, до сега, тоа не беше случај и покрај бројните одржани концерти.
33-годишната пејачка и Алвин, кој има 33 години, многупати беа во центарот на гласините за свршувачка, а Свифт дури носеше свршенички прстен во нејзиниот документарен филм на Нетфликс од 2020 година „Мис Американа“. Сепак, ова никогаш не беше потврдено.
Алвин зборуваше за магазинот WSJ и рече дека нема да го открие статусот на нивната врска дури и ако ја запроси. „Мислам, вистината е, ако одговорот беше да, немаше да кажам, а ако одговорот беше не, пак немаше да кажам“, рече тој.
EXCLUSIVE: Taylor Swift and Joe Alwyn have broken up, ET has learned.
The couple split a few weeks ago, which is why Joe has not attended the Eras Tour. pic.twitter.com/DAqnGkRV8X
— Entertainment Tonight (@etnow) April 8, 2023
Двојката се запозна на Мет Гала во 2016 година, а почнаа да се забавуваат неколку месеци подоцна, но нивната врска ја објавија во јавност дури во 2017 година. Во текот на нивните заеднички години, тие ја чуваа својата романса приватна, и покрај постојаните шпекулации на фановите на Свифт за тоа кои песни се посветени на Алвин .
„Свесен сум дека луѓето сакаат да знаат за таа наша страна на нештата“, рече Алвин во интервју за Вог во 2018 година. „Мислам дека успешно останавме многу резервирани за јавноста“.
Свифт ги повтори чувствата на Алвин во нејзиниот документарен филм од 2020 година. „Заедно одлучивме дека сакаме нашата врска да биде приватна“, рече таа. „Иако мојот јавен имиџ во 2016 година беше навистина ужасен, јас бев среќна“. Таа продолжи: „Но, јас не бев среќна на начинот на кој ме тренираа да бидам среќна. Тоа беше среќа без туѓ придонес“.
JUST IN: Taylor Swift has reportedly broken up with her boyfriend Joe Alwyn after six years of dating, Entertainment Tonight reports. | 📷: Swift, Alwyn/Instagram pic.twitter.com/BqQBoB67xA
— Inquirer (@inquirerdotnet) April 8, 2023
