Пејачката Тејлор Свифт се најде на удар на критиките откако беше откриено дека нејзините патувања со авион, испуштаат повеќе јаглерод диоксид од која било друга славна личност.
Една неодамнешна студија од Yard, фирма за дигитален маркетинг, покажа дека нејзиниот авион оваа година испуштил 8.293 тони јаглерод диоксид, околу 1.200 тони повеќе од авионот на Флојд Мејведер. Студијата користела податоци од профилот на Твитер @CelebJets, кој ги следи патувањата на славните. Од сметките се утврдило дека нејзиниот авион направил 170 патувања оваа година, а нејзиниот најкраток лет траел 36 минути.
„Авионот на Тејлор Свифт има просечно време на лет од само 80 минути и просечно 139 милји по лет. Нејзините вкупни годишни емисии од летот се 8.293 тони, или 1.184 пати повеќе од вкупните годишни емисии на просечниот човек“, се тврди во студијата. Нејзиниот тим во изјава за Е! News, рече дека летовите не биле само нејзина вина.
„Авионот на Тејлор редовно се позајмува на други луѓе. Да ѝ се припишат повеќето или сите овие патувања е очигледно неточно“, рече нејзиниот портпарол.
View this post on Instagram
