Состојки:
100 грама чоколадо за готвење
10 лажички инстант кафе
5 јајца
100 грама шеќер
350 милилитри слатка павлака
Подготовка:
Во врела вода ставете го кафето, убаво измешајте го, а потоа во него додајте го и искршеното чоколадо. Мешајте додека не се растопи чоколадото. Вака подготвената течност оставете ја убаво да се излади.
Потоа одделете ги белките од жолчките.
Жолчките убаво изматете ги во миксер, притоа додавајќи им малку шеќер. Изматете ја половината од слатката павлака и убаво измешајте ја во садот каде што претходно ги матевте жолчките. Во кремот што ќе го добиете, додајте ја изладената мешавина од чоколадо и кафе.
Потоа изматете ги и белките и додајте го во нив и кремот од чоколадо и кафе. Смесата ставете ја во декоративни чаши и оставете да се лади во фрижидер околу еден час.
Остатокот од павлаката изматете го и украсете го десертот.
