Татјана Стојановска реши да сврти нов лист, а тоа го покажа со ретко видео коешто го објави на социјалните мрежи.
Убавата ТВ-презентерка и водителка сподели момент како вежба со тегови во теретана и со тоа покажа дека е подготвена да сврти нов лист, со здрави навики.
Татјана е секако една од најубавите жени во нашата јавност, која внимава на својот изглед, на дикцијата и на македонскиот литературен јазик.
Десет години откако се свршија, Татјана Стојановска и нејзиниот партнер, бизнис-консултантот Михаил Китановски, во јуни во 2023 година се венчаа пред најблиските.
– На 10 јуни во 2013 година, Михаил ме побара за жена на нашиот прв одмор во Грција, и тогаш по неколку месеци од запросувањето, почнавме да живееме заедно.
И точно на 10-годишнината од запросувањето, вчера стапивме и официјално во брак – рече тогаш Татјана за „Слободен печат“.
– Кога човек работи професионално во една професија и се надградува чекор по чекор, и со искуството кое си доаѓа со годините расте во професијата и почнува да плива сигурно во неа, резултатот е неминовен. Секако за една јавна личност да се одржи толку многу години во професијата, важни се и карактерните особини на личноста – рече таа во друго интервју.
