Сузана Манчиќ повторно го привлече вниманието на минувачите за време на шопинг во поширокиот центар на Белград, кога го остави својот луксузен автомобил на тротоарот во една од најпрометните области.
Според очевидци, џипот со висок сјај, кој веднаш привлече внимание, бил паркиран на место кое било јасно означено како забрането за запирање и паркирање. Иако тротоарот е наменет за пешаци, возилото зафаќало значителен дел од преминот.
„Не можевме да веруваме. Таа само застана, го заклучи автомобилот и отиде во бутикот како сè да е сосема нормално“, рекол еден минувач кој бил на местото на настанот, оставајќи коментар на мрежата Икс.
„Не е првпат да гледаме вакви ситуации, но сепак очекуваме јавните личности да ги почитуваат правилата“, рекол друг.
Иако се шпекулира дека паркирањето траело повеќе од половина час, општинската служба, според сведоштва, не реагирала, што предизвика дополнителни коментари меѓу присутните.
„Некој од нас да го направеше ова, казната веќе ќе беше залепена на шофершајбната“, напишал еден корисник на социјалните мрежи кој ги следи настаните поврзани со познати личности, а пренесува „Курир“.
