Американската пејачка Никол Шерцингер повторно го привлече вниманието со низа фотографии и видеа направени на Филипини, потсетувајќи нѐ на вистинските летни денови и уште еднаш потврдувајќи зошто важи за една од најубавите жени во светот. Иако моментално работи на филмски сет, 47-годишната ѕвезда откри дека со овие објави и самата се навраќа на летниот одмор.
По повод нејзиниот 47. роденден, Шерцингер сподели фотографија во минијатурен костим за капење што предизвика огромна реакција на социјалните мрежи. На својот профил објави серија фотографии и видеа во различни костими за капење, со кои уште еднаш ја истакна својата беспрекорна фигура.
„Ова се дел од моите омилени работи“, напиша таа.
Во други објави, таа е облечена во тиркизен костим за капење и се пошегува дека „моментално живее на сет“, па затоа споделува „премиум рециклирана содржина“.
Фановите ја преплавија со коментари: „Колку добро живееш!“, „Прекрасна си“, „Изгледаш исто како пред дваесет години“.
Да потсетиме, Шерцингер беше официјално потврдена како дел од актерската екипа за новата комедија на Ребел Вилсон под наслов „Женска група“ (Girl Group).
Вилсон ќе го пишува сценариото, ќе продуцира и ќе игра главна улога, а филмот веќе се опишува како „крајна прослава на женската сила“.
Во актерската екипа ќе се најдат и други познати имиња од светски женски музички групи – Мелани Си од „Спајс гралс“, Шејзнеј Луис од „Ол Сеинтс“, Ешли Робертс, поранешна членка на „Пусикет долс“, како и актерката Шеридан Смит.
