Откако Тијана Дапчевиќ во интервју изјави дека „веќе не се дружи со Јелена Карлеуша бидејќи повеќе не е истата личност што ја сакала“, поп-ѕвездата бурно реагираше на социјалните мрежи.
Тијана во разговор за каналот „ФулСкринМедија“ откри дека пред многу години имале поблизок контакт, но дека денес „Јелена повеќе не е истата личност“ и дека „нема никаква емоција кон неа“.
Карлеуша, пак, не остана должна. Таа во свој препознатлив стил напиша статус на социјалните мрежи.
„Искрено, едвај знам која е оваа личност… а камоли дека сум се дружела со неа. Разбирам дека моето име се користи за да се добие наслов во медиумите, но ова веќе ја премина мерката“, напиша пејачката.
Со тоа, Карлеуша целосно ги негира тврдењата дека меѓу нив постоело пријателство.
Во интервјуто, Дапчевиќ изјави: „Таа беше некој што во одреден момент го измисли шоу-бизнисот. Можеше да биде ‘чао’, но денес веќе не може. Тоа повеќе не е Јелена што ја познавав. Многу ја сакав, но се случи доктор Џекил и мистер Хајд. Немам емоција, навистина“.
Тијана додаде дека не би имала проблем некогаш да поразговара со Карлеуша, но дека „тоа веќе не е тоа“.
