Една година откако ја објави дијагнозата, пејачката Селин Дион веќе не може да контролира одредени движења на телото. Ова го потврди нејзината сестра Клодет Дион.
„Таа нема контрола над нејзините мускули. Она што ми го кине срцето е тоа што таа секогаш беше дисциплинирана и се грижеше за се. Таа секогаш работеше напорно. Нашата мајка секогаш и велеше: „Ќе го направиш тоа добро, ти ќе го направиш тоа како што треба“, изјави Клодет за 7Jours.
„Вистина е дека и во нашите и во нејзините соништа целта е да се врати на сцената. Во каква форма? Не знам“, додаде таа.
Потетуваме, на Селин ѝ е дијагностицирана ретка невролошка болест позната како синдром на вкочанета личност, која предизвикува грчеви кои можат да бидат толку силни што дури и ги кршат коските.
„За жал, овие грчеви влијаат на секој аспект од мојот секојдневен живот. Понекогаш ми го отежнува одењето и не ми дозволува да ги користам гласните жици за да пеам како што сум навикната“, напиша Дион во објавата на Инстаграм во 2022 година, најавувајќи дека ќе ги одложи датумите на нејзината турнеја.
